Эрдўған АҚШни Сурия бўйича мажбуриятларини бажармаётганликда айблади

Эрдўған америкалик ҳарбийларни Туркия террорчилар деб ҳисоблайдиган курд кучлари билан биргаликда патруллашни амалга ошираётганликда айблаган ҳамда АҚШ ва курдлар Туркия ва Россия кучлари олиб бораётган патруллашдан алоҳида ҳаракат қилаётганларини таъкидлаб ўтган. 

“Афсуски, АҚШ террорчилик гуруҳи билан алоҳида патруллашни амалга оширмоқда. Ахир курдлар кетиши керак эди! АҚШ буни қандай тушунтиради? Келишувимизда бундай банд йўқ эди”, деб айтган Эрдўған.  

Туркия раҳбари, шунингдек, унинг давлати Россиянинг Су-35 ва Су-57 қирувчи самолётларини сотиб олиш учун АҚШдан рухсат сўраб ўтирмаслигини айтган. 

9 октябрда Туркия Сурия шимолида “Тинчлик булоғи” ҳарбий амалиётини бошлаганди. Ундан мақсад курд отрядларини чегарадан 30 км нарига сиқиб чиқариш бўлган. 17 октябрда Туркия АҚШ билан эришилган келишувга кўра амалиётни тўхтатганди.