Польшада Ўзбекистон фуқароси оғир жароҳатлар билан касалхонага ётқизилди

12 ноябрь куни содир бўлган йўл-транспорт ҳодисаси оқибатида Ўзбекистон фуқароси Ғ.Б. кўп сонли жароҳатлар билан Познан шаҳри касалхонасига ётқизилган. Бу ҳақда мамлакатимизнинг Польшадаги элчихонаси берган маълумотга таяниб ТИВ матбуот хизмати хабар берди.

Унинг соғлиги ҳолати оғир деб баҳоланмоқда ва у кома ҳолатида интенсив терапия бўлимига жойлаштирилган.

“Элчихона вазиятни назоратга олган ва Польша ваколатли органлари билан доимий алоқада бўлиб турибди. Познан шаҳри полиция бошқармаси томонидан текширув ишлари олиб борилмоқда”, дейилади хабарда.

Консуллик-ҳуқуқий департаменти Польша ҳудудида бўлиб турган Ўзбекистон фуқароларига улар зарурат туғилган ҳолатларда Ўзбекистоннинг Варшава шаҳридаги элчихонасига қуйидаги телефон рақами орқали мурожаат қилишлари мумкинлигини эслатиб ўтади: +48-22-894-62-30 (2)