Туск Дональд Трамп Европа Иттифоқи парчаланиб кетишини орзу қилишини айтди

Европа кенгаши президенти Дональд Туск адаши - АҚШ президенти Дональд Трампни Европа Иттифоқи учун “эҳтимол, энг мураккаб чақириқ” деб атади, чунки Оқ уй раҳбари иттифоқнинг парчаланиб кетишини “илтижо қилади”.  

“Тарихда биринчи марта АҚШ президенти бирлашган Европага қарши чиқмоқда. У Brexit’ни қўллаб-қувватламоқда ва Иттифоқнинг парчаланишини тангридан илтижо қилмоқда”, деб айтган Туск Die Zeit немис нашрига берган интервьюсида.  
 
Тускнинг айтишича, у каби ўз лавозимини тарк этадиган Еврокомиссия президенти Жан-Клод Юнкер ҳам Трампни Европа Иттифоқига қарши кайфиятларни авж олдириш номақбуллигидан огоҳлантирган.  

Еврокенгаш раҳбарининг айтишича, Трампнинг Британиянинг Европа Иттифоқидан чиқишидан манфаатдорлик билдириши “ҳайратлантиради ва аччиқлантиради”.