АҚШнинг Афғонистондаги ҳарбий базаси яқинида портлаш юз берди

Фото: EPA/Vostock-photo

Афғонистоннинг Баграм уездида жойлашган АҚШ авиабазаси яқинида портловчи қурилма жойлаштирилган автомобиль портлади. Бу ҳақда Pajhwok агентлиги хабар берди.

Дастлабки маълумотларга кўра, тинч аҳоли орасида жабрланганлар бор.

Қайд этилишича, портлаш содир бўлган жой яқинида шунингдек, касалхона ва мактаб ҳам жойлашган.

Агентлик дастлаб ҳужумдан мақсад НАТО конвойи бўлганини хабар қилганди. Кейинроқ бу хабар рад этилди.

Ўз навбатида Tolo News телеканали портлашдан сўнг хорижлик ҳарбийлар ва ҳужум қилганлар ўртасида тўқнашув содир бўлганини хабар қилмоқда.