Эрон Макроннинг ҳибсдаги французларни озод қилиш тўғрисидаги талабини рад этди

Эрон ташқи ишлар вазирлиги расмий вакили Аббос Мусавий Франция президенти Эммануэль Макроннинг Эронда қўлга олинган французларни озод қилиш тўғрисидаги талабини рад этди.

Бир кун аввал Макрон Эронда қўлга олинган француз тадқиқотчиларини зудлик билан озод этишни талаб қилганди.

"Французлар Эрон суверен давлат эканлигини, на бизнинг ҳукумат, на суд ҳокимияти ўзгаларнинг ҳаттоки тавсиясини ҳам қабул қилмаслигини унутмаслиги лозим. Бизнинг ички ишларимизга аралашиш ҳам номақбул ҳисобланади", - деб ёзди Мусавий Twitter саҳифасида.

Sciences Po сиёсий тадқиқотлар институтининг икки ходими - француз Ролан Маршаль ҳамда Франция ва Эрон фуқаролигига эга Фариба Одилхоҳ Эрон ҳукумати томонидан миллий хавфсизликка қарши фитна тузишда айбланиб қўлга олинганди.

Одилхоҳ июлда қўлга олинган, Маршалнинг қўлга олингани ҳақида эса октябрда маълум бўлганди.