CNN Шимолий Корея АҚШга қандай "рождество совғаси" тайёрлаётганини аниқлади

Шимолий Корея АҚШга нисбатан кескин сиёсат қабул қилишни режалаштирмоқда, деб хабар қилди CNN ўз манбасига таяниб.

Манбанинг сўзларига кўра, КХДРнинг АҚШга нисбатан янги сиёсати Пхеньян ваъда қилган рождество совғаси ҳисобланади. Ушбу сиёсат Вашингтон билан музокаралардан воз кечиш ва Шимолий Кореянинг ядровий қуролга эга давлат мақомини мустаҳкамлашни ўз ичига олган.

Пхеньян шунингдек энди иқтисодий ривожланишга эришиш учун санкцияларни юмшатишга уринмайди, балки ўз-ўзини таъминлаш мафкурасига содиқликни янада кучайтиради.

Телеканал суҳбатдошининг айтишича, КХДР раҳбари Ким Чен Ин АҚШ президенти Дональд Трамп импичмент ишига тушиб қолгани учун "кутиш" режимига ўтган.

"Таҳлилчиларнинг фикрича, Пхеньян Трамп билан келишув имзолаганидан сўнг у ноябрдаги сайловларда ютқазадиган бўлса, кейинги президент бу келишувни тан олмаслигидан хавотирланмоқда", - деб қайд этди телеканал. 

Декабрь бошларида КХДР ташқи ишлар вазири Ри Тхэ Сон АҚШни денуклеаризация бўйича музокараларни чўзишда ва америкалик сиёсатчиларни бу музокаралардан ўз мақсадларида фойдаланишда айблади.

"Рождествога қандай совға олиш Қўшма Штатларнинг ўзига боғлиқ", - деб қўшиб қўйди у.