Синдзо Абэ Эрон зарбаларидан кейин Яқин Шарққа сафарини бекор қилди

Фото: РИА Новости

Япония бош вазири Синдзо Абэ АҚШ ва Эрон ўртасидаги қарама-қаршилик кучайгани сабабли 11 январга режалаштирилган Яқин Шарққа, жумладан Саудия Арабистони ва БААга сафарини бекор қилди. Бу ҳақда “Киодо” ахборот агентлиги хабар берди.

Маълумотларга кўра, бош вазир бошқа давлатлар билан ҳамкорликда Яқин Шарқдаги японияликларнинг хавфсизлигини таъминлашга ва кутилмаган ҳолатларга тайёр туришга кўрсатма берган.

Япония вазирлар маҳкамаси бош котиби Ёсихидэ Суганинг журналистларга маълум қилишича, Токио манфаатдор давлатларни Яқин Шарқда кескинликни юмшатиш учун барча дипломатик саъй-ҳаракатларни амалга оширишга чақирган.

Аввалроқ Синдзо Абэ Эрон томонидан АҚШнинг Ироқдаги ҳарбий базаларига ракета зарбалари берилгандан кейин миллий хавфсизлик кенгаши йиғилишини чақиртирган.

#Синдзо Абэ #Яқин Шарқ

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.