Осиё чемпионати-U23. Саудия Арабистони мезбонларни мағлуб этиб, илк ярим финалчига айланди

Фото: The AFC

Таиландда ўтаётган U-23 Осиё чемпионатининг чорак финал баҳсларига старт берилди. Дастлабки ўйинда мезбон Таиланд олимпия жамоаси Саудия Арабистонига қарши майдонга тушди.

Учрашувнинг 78-дақиқасида Абдуллоҳ Ал-Ҳамдан томонидан 11 метрлик жарима зарбасидан киритилган гол Саудия Арабистони олимпиячиларини дастлабки ярим финалчига айлантирди. Бугун шунингдек, Австралия - Сурия ўйини ҳам ўтказилади.

Саудия Арабистони турнир ярим финалида БАА - Ўзбекистон жутфлиги ғолибига қарши майдонга тушади. Ушбу ярим финал ўйини 22 январь куни ўтказилади.

Осиё чемпионати. Чорак финал.
18 январь. Рангсит.
Саудия Арабистони - Таиланд 1:0
Гол: Абдуллоҳ Ал-Ҳамдан 78 пенальтидан.