Қўшимча функционаллар
-
Тунги кўриниш
Қозоғистоннинг Жамбил области раҳбари тартибсизликлардан кейин ўзгартирилди
Қозоғистон президенти қозоқлар ва дўнгонлар ўртасида можаро келиб чиққан Жамбил области акимини (ҳокими) ўзгартиришга қарор қилди. Бу лавозимни бош вазир ўринбосари Бердибек Сапарбаев эгаллади.
© AP Photo/Vladimir Voronin
Қозоғистон президенти Қосим-Жўмарт Тўқаевнинг тегишли фармони президент сайтида эълон қилинган.
Шу фармон билан Сапарбаев бунгача эгаллаб турган лавозимидан озод этилган. Президентнинг яна бир фармони билан Асқар Мирзахметов Жамбил области акими лавозимидан озод этилган.
9 февралда 67 ёшини қаршилаган Сапарбаев 2019 йил августдан бери бош вазир ўринбосари лавозимини эгаллаб келган. У, шунингдек, 2014-2015 йилларда ҳам ушбу лавозимда ишлаган.
Шунингдек, президент фармони билан Масанчи қишлоғи жойлашган Кордай райони акими ва полиция бўлими бошлиғи, Жамбил области акимининг ижтимоий масалалар бўйича ўринбосари ва полиция департаменти бошлиғи фаолиятларида йўл қўйган жиддий камчиликлар учун ишдан олинган.
7 февраль куни кечқурун Жамбил области Масанчи қишлоғида қозоқлар ва дўнгонлар ўртасида можаро келиб чиққанди. Унинг оқибатида 10 киши ҳалок бўлган, 130 дан кўпроқ одам жароҳат олган.
Мавзуга оид
15:25
Қозоғистонда Каспий денгизи соҳилидан мингдан ортиқ ўлик тюленлар топилди
21:23 / 13.11.2024
Дунёдаги зарарли чиқиндиларнинг бор-йўғи 1 фоизи Марказий Осиё мамлакатларига тўғри келади – Тўқаев
15:30 / 13.11.2024
Қозоғистонга йўлбарслар қайтарилмоқда. Улар бундан 70 йил аввал йўқолиб кетганди
09:40 / 12.11.2024