Туркия Сурия ҳукумат қўшинларига қарши янги амалиётни бошлади

Туркия Суриянинг Идлиб вилоятида ҳукумат қўшинларининг 27 февралдаги авиазарбаларидан кейин “Баҳор қалқони” деб номланган ҳарбий амалиётни бошлади.

Фото: EPA/архив

Туркия мудофаа вазири Хулуси Акарнинг таъкидлашича, амалиётдан ягона мақсад Башар Асад қўшинлари ва бу ҳудудда турк ҳарбийларига ҳужум қилаётган бўлинмалардан ҳимояланиш ҳисобланади.

“Сурия тузумининг 2200 га яқин ҳарбийси, учувчисиз парвоз қурилмаси, 8 та вертолёт, 103 та танк, ўнлаб гаубицалар, учта ҳаво ҳужумига қарши мудофаа тизими йўқ қилинди”, деб айтган вазир.

Аввалроқ Туркия SIHA дронларини қўллаб, Сурия ҳукумат қўшинларининг юқори лавозимли ҳарбийлари жойлашган бинога зарба берган. Ҳужум оқибатида 124-полк қўмондони, бригада генерали Бурҳон Рамуне, полковник Мазин Фирватий ва яна бир ҳарбий Исмоил Али ҳалок бўлган.

Тайёрлаган Шуҳрат Раҳимов

#Туркия #Сурия #Баҳор қалқони

2019 йил декабрида Сурия армияси Идлибни тўлиқ эгаллаш учун юриш бошлади. Туркия эса Сурия шимолидаги иттифоқчиларини ҳимоя қилиш учун бу ҳудуддаги кузатув постларига минглаб ҳарбийларини жўнатди ва икки томон ўртасида тўқнашувлар рўй бера бошлади.