Waymo автоном машиналарда юкларни етказиш хизматини йўлга қўймоқда

Робомобиллар ишлаб чиқарувчи Waymo компанияси ҳайдовчисиз бошқарилувчи машиналарда юкларни етказиш хизмати Via йўлга қўйилаётганини эълон қилди.

Фото: Waymo

Alphabet корпорацияси таркибига кирувчи Waymo 2,25 млрд долларлик сармоя жалб қилгандан кейин Waymo Via хизмати йўлга қўйилишини маълум қилган.

“Биз Аризона, Нью-Мексико ва Техасни бирлаштирувчи I-10 транспорт йўлаги бўйлаб ўзимизнинг 8-синфдаги юк машиналаримиз учун йўналишлар очмоқдамиз”, деб айтган Waymo раҳбари Жон Крафчик.

Гап Waymo Калифорния, Аризона ва Жоржия штатларида синовдан ўказган автоном юк машиналари ҳақида бормоқда.

Waymo ташкил этилгандан бери унинг юк машиналари ҳайдовчисиз режимда ҳақиқий автомобил йўллари бўйлаб 32 млн километр ва виртуал йўллар бўйлаб 16 млрд километр масофани босиб ўтган. Айни вақтда компанияда Chrysler Pacifica минивэнлари флоти мавжуд бўлиб, уларда йўловчиларни ҳайдовчисиз ташишга рухсат берилган.