Европа мудофаа агентлиги ходими коронавирусга чалингани аниқланди

Маълумот берилишича, агентликда 13 мартга қадар барча йиғилишлар бекор қилинган. Шунингдек, ушбу муддатга қадар ходимларнинг ташқаридаги йиғилишларда иштирок этиши ҳам бекор қилинган.

Фото: REUTERS

Европа мудофаа агентлиги (EDA) ходимларидан бирининг коронавирусга чалинганини тасдиқлади. Бу ҳақда EURACTIV интернет-ресурси хабар берди.

Манбанинг сўзларига кўра, гап агентликнинг ўтган ҳафтада Италиядан қайтган юқори лавозимли амалдори ҳақида бормоқда.

Амалдор Италияга бориб келганидан сўнг 30 нафар мансабдор иштирокидаги тўрт соатлик йиғилишда қатнашган. Йиғилишда иштирок этган Европа ташқи сиёсат хизмати ҳарбий штабининг аъзоларидан бирида касаллик симптомлари пайдо бўлган, у ҳозирда тиббий текширув натижасини кутмоқда.

Италия ҳамон Европада вирусдан энг кўп зарарланган давлат бўлиб турибди - 2263 бемор ва 79 қурбон.

Тайёрлаган Дилшод Аскаров

#ЕИ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.