Карантиндаги корхона ишчиларининг 529 млн. сўм иш ҳақи ундириб берилди

Республикамизда коронавирус касаллиги сабабли эълон қилинган карантин даврида МИБнинг Ангрен шаҳар бўлими томонидан, суд қарорига асосан масъулияти чекланган жамиятнинг 49 нафар ишчисига бир йил давомида тўланмай келган, жами 529,0 млн. сўм иш ҳақи бўлим давлат ижрочиларининг саъй-ҳаракатлари натижасида ундирилди.

Шунингдек, МИБнинг Ангрен шаҳар бўлими иш юритувида моддий ёрдамга муҳтож бўлган 130 нафар фуқароларнинг жами 10 млн. сўмлик қарздорликлари ҳомийлар томонидан қопланиб берилиши натижасида, мазкур ижро ҳужжатларининг ижроси тамомланди.