Саудия Арабистонида комендантлик соати қисман бекор қилинди

Саудия Арабистони подшоҳи Макка ва бир қатор изоляция қилинган ҳудудлардан ташқари подшоҳликнинг барча ҳудудларида 26 апрелдан 13 майгача комендантлик соатини қисман бекор қилишни буюрди.

Фото: AFP

Бу ҳақда SPA ахборот агентлиги хабар берди.

Аввалроқ Саудия Арабистони раҳбарияти коронавирус сабабли киритилган комендантлик соатини Рамазон ойида қисқартиришга рухсат берганди.

Таъкидланишича, буйруққа кўра, подшоҳликнинг барча ҳудудларида комендантлик соати соат 9дан 17гача амал қилади. Бироқ Макка ва бошқа изоляция қилинган ҳудудларда 24 соатлик комендантлик соати сақланиб қолади.

Бундан ташқари, кўрсатилган давр ичида тижорий ва иқтисодий фаолият тикланади. Гап чакана ва улгуржи дўконлар ҳамда савдо марказлари ҳақида бормоқда. Қурилиш компаниялари ва заводлар ҳам ушбу давр ичида фаолиятини қайта бошлаши ва уни вақт чекловларисиз амалга ошириши мумкин бўлади.

#Саудия Арабистони #комендантлик соати

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.