Халифа Ҳафтар Ливияда ҳокимият армияга ўтганини эълон қилди

Ливия миллий армияси (ЛМА) қўмондони Халифа Ҳафтар 27 апрелда мамлакатни бошқариш армияга ўтишини эълон қилди.

Фото: Фото: Reuters

Ҳафтарнинг бу борадаги телемурожаатини ЛМА медиа-офиси тарқатган.

23 апрелда Ҳафтар фуқароларни 2015 йилда Схиротда эришилган сиёсий келишувни рад этишга чақирган. Бу келишув натижасида Миллий келишув ҳукумати шакллантирилган.

“Ливияликлар, сиз мамлакатни барбод қилаётган сиёсий келишувни тўхтатиш чақириғимизга ҳамда жорий босқичда мамлакатни бошқаришга кимни энг муносиб деб ҳисобласангиз, ўшанга ваколат бериш чақириғимизга “лаббай” деб жавоб бердингиз”, деб айтган Ҳафтар ва “ливияликлар ЛМА бош қўмондонлигига мамлакатни бошқариш каби тарихий миссияга ваколат берганини” қўшимча қилган.

Айни вақтда Ливияда қўшҳокимлик юзага келган.