ЖССТдан «аразлаган» АҚШ. Бунақаси аввал ҳам бўлганди

Январда дастлаб Хитойда, сўнг дунёнинг қарийб барча мамлакатларига тарқалган коронавирус барчани бирдай шошириб қўйди. Вирус олдида нафақат тиббиёт тизими ривожланмаган камбағал давлатлар, балки энг бой мамлакатлар ҳам чорасиз қолди. Дунёнинг энг қудратли давлати бўлган АҚШнинг коронавирус билан «жангда» бу қадар қийин аҳволга тушиб қолишини кўпчилик кутмаганди. 2 миллионга яқин америкалик коронавирус юқтирган бўлса, касаллик 111 мингдан ортиқ америкалик умрига зомин бўлди.