Италияда 60га яқин мафия аъзоси қўлга олинди 

Италияда 59 киши мафиячилик фаолиятида айбланиб қўлган олинди.   

Карабинерлар вакилининг маълум қилишича, операция "мафиянинг тадбиркорлик ва сиёсат соҳаларидаги иштироки"ни фош этган. 

Қўлга олинганлар мафия ташкилоти тузиш, сайловларда коррупцияга йўл қўйиш, товламачилик ва аукционларда кўзбўямачиликлар қилишда айбланмоқда.

la Repubblica газетасининг қайд этишича, карабинерлар сенатор Луижи Чезаронинг уч нафар укасини ҳам ҳибсга олган. Уларнинг икки нафари уй қамоғига, учинчиси эса қамоққа олинган.

Аввалроқ Италияда 10дан ортиқ давлат хизматчилари мафия билан ҳамкорликда гумонланиб ҳибсга олинганди.