Трамп Байденни коррупциячи деб атади

АҚШ президенти Дональд Трамп демократлар вакили бўлган сайловдаги рақиби Жо Байденни яна айблаб чиқди. Трамп бу ҳақда твиттерда пост қолдирди.

Трампнинг айтишича, Демократик партия вакиллари ва Жо Байден АҚШда кузда ҳам таълим муассасаларининг очилишига қарши бўлаётгани сиёсий сабаблар билан боғлиқ.

«Коррупциячи Байден ва демократлар мактабларни очишни исташмаяпти. Бу умуман саломатлик билан боғлиқ эмас, турган битгани сиёсий сабаб. Бу уларга ноябрда ёрдам беради деб ўйлашмоқда, лекин одамлар бунга эришади», деб ёзди Трамп.

Аввалроқ демоктарик партиядан президентликка номзод бўлган Жо Байден АҚШда коронавирус тарқалиш тўлқини пасаймаса, кузда таълим муассасаларини очмаслик кераклигини айтганди.