Ўзи йўқдек, овозаси ўқдек. Сирли қўшин – «Вагнер» ҳақида нималар маълум?

Ўрта асрларда Европада ким ҳақини тўласа, ўшанинг хизматини қилган ва унинг манфаатлари учун жангга кирган ёлланма жангчилар бўлган. Уларнинг хизматидан аслзодалар билан бирга ҳатто қироллар ҳам фойдаланган. Масалан, бугун Рим папасини швейцарияликлар гвардияси қўриқлаши ҳам ўша вақтдан бери давом этиб келаётган анъана ҳисобланади.