Boeing самолёти Руминияда авариявий қўнишни амалга оширди

Афғонистондан АҚШга махсус рейс бажарган Boeing 767 самолёти Руминия пойтахти яқинидаги Бэнясэ шаҳрида жойлашган “Аурел Влайку” аэропортига авариявий қўнишни амалга оширди. Самолёт бортида 84 йўловчи бўлган, уларга жабр етмаган.

Фото: Agerpres

Бухарест аэропортлари миллий компанияси (CNAB) вакили Валентин Иордакенинг таъкидлашича, самолётнинг асосий шассиси таянчлари шикастланган. Йўловчилар эвакуация қилинган. Воқеанинг тергов қилиниши бошланган.

BoardingPass.ro сайтининг маълум қилишича, АҚШнинг Omni Air авиакомпаниясига тегишли бўлган самолёт қўниши вақтида асосий шассисининг чап томондаги таянчларига шикаст етган. Шу сабабли самолёт учиш-қўниш йўлагида қолиб кетган. Самолёт Кобулдан учаётган бўлган. У Руминиядаги аэропортга ёнилғи тўлдириш учун қўниб, сўнгра Вашингтонга учиши керак бўлган. Аэропорт вақтинча ёпилган, Бэнясэда қўниши керак бўлган самолётлар Отопень шаҳри аэропортига жўнатилган.