Ерусти метросининг “Дўстлик-2” – “Қўйлиқ” йўналиши 30 август куни очилади

Фото: Президент матбуот-хизмати

“Дўстлик-2” бекатидан “Қўйлиқ” бекатигача бўлган йўналиш узунлиги 11 километр бўлиб, 7 та бекат барпо этилган. Биринчи бекатдан охиргисигача 19 дақиқада етиб олиш мумкин.

Тошкент метрополитени янги ерусти ҳалқа йўлининг "Дўстлик-2" бекатидан "Қўйлиқ" бекатигача ҳаракат 30 август соат 06:00 дан йўлга қўйилади. Бу ҳақда “Ўзбекистон темир йўллари” АЖ матбуот хизмати хабар берди.

Хабарда айтилишича, "Дўстлик" бекатидан "Дўстлик-2" бекатига ўтиш бепул.

29 август куни президент Шавкат Мирзиёев бу ерга ташриф буюриб, жамоатчилик билан бирга поездда юрди.

“Дўстлик-2” бекатидан “Қўйлиқ” бекатигача бўлган мазкур йўналиш узунлиги 11 километр бўлиб, 7 та бекат барпо этилган. Биринчи бекатдан охиргисигача 19 дақиқада етиб олиш мумкин. Бу масофада ҳар бири 4 та вагондан иборат 4 та поезд қатнайди. Ушбу йўналиш кунига 46 минг йўловчига хизмат кўрсатиш имкониятига эга.