Қўшимча функционаллар
-
Тунги кўриниш
Эрон АҚШнинг ЖАРдаги элчисига суиқасд қилишга тайёрланмоқда - ОАВ
Эрон генерал Қосим Сулаймонийнинг ўлими учун Вашингтондан ўч олиш мақсадида АҚШнинг Жанубий Африка Республикасидаги элчиси Лана Марксга суиқасд амалга оширмоқчи. Бу ҳақда Politico нашри хабар берди.
Фото: EPA
Таъкидланишича, бу ҳақидаги маълумот баҳордаёқ пайдо бўлган, бироқ охирги вақтда ушбу операциянинг аниқ тафсилотлари пайдо бўлган.
Нишон сифатида Лана Маркснинг танланишига сабаб унинг АҚШ президенти Дональд Трамп билан узоқ вақтдан бери дўст тутингани экани тахмин қилинмоқда.
Таъкидланишича, ЖАРдаги элчига суиқасд Эроннинг генералнинг ўлдирилишига ўч олиш вариантларидан бири ҳисобланади.
Эроннинг Ислом инқилоби муҳофизлари корпуси қўмондони генерал Қосим Сулаймоний 3 январга ўтар кечаси АҚШнинг ракета зарбаси натижасида Бағдод аэропорти яқинида ҳалок бўлганди. Оқ уйда Сулаймоний ва унинг тарафдорлари америкалик дипломатлар ва ҳарбийларни ўлдиришга тайёрланган, деб ҳисобланган.
Генерал ўлимидан кейин Эрон Вашингтондан ўч олишнинг 13 вариантини тақдим қилган. Эрон хавфсизлик кенгаши котиби Али Шамҳаний таъкидлаганидек, ушбу вариантлардан энг “беозори” ҳам АҚШ учун даҳшатга айланиши мумкин.
Қосим Сулаймонийнинг ўлдирилиши
Мавзуга оид
13:30 / 10.11.2024
Трамп ютса урушни бир суткада тўхтатишни ваъда қилганди. У ютди — хўш?
23:26 / 09.11.2024
“Ғарбнинг геосиёсий очкўзлиги келишмовчиликлар бош сабаби” – Путиннинг “Валдай”даги чиқиши
20:42 / 09.11.2024
Оқ уй Трампнинг сайловлардаги ғалабасидан кейин Украинага ҳарбий ёрдам юборишни тезлаштирди
16:25 / 09.11.2024