Украинада ҳарбий самолёт қулаб тушди. 22 киши ҳалок бўлгани айтилмоқда

Украинанинг Харьков вилояти яқинида ҳарбий самолёт қулаб тушди. Авиаҳалокат оқибатида самолёт бортида бўлган 22 киши ҳалок бўлгани айтилмоқда. Икки кишининг омон қолгани ва улардан бири оғир аҳволда экани хабар қилинган. Омон қолганлар жиддий куйиш ташхиси билан касалхонага ётқизилган. Баъзи манбаларда ёзилишича, ҳалокатга учраган ҳарбий транспорт самолёти бортида 26 киши, баъзи нашрларга кўра 28 киши бўлган.

Ҳалокат 25 сентябрь куни маҳаллий вақт билан 20:45 да (Тошкент вақти билан 22:45) содир бўлган. Ҳалокатга учраган самолёт Ан-26 ҳарбий самолёти экани айтилмоқда. Самолётда Иван Кожедуба номидаги Харьков Ҳаво Кучлари университетининг синов парвозини амалга ошираётган курсантлари бўлган.

Самолёт қўнишдан аввал ҳалокатга учраган. Ҳаво Кучлари олийгоҳи курсантлари синов парвозини амалга ошираётган бўлган. Самолёт Харьков – Ростов трассаси яқинида қулаб тушган.

Украина президенти Владимир Зеленский авиаҳалокат бўйича муносабат билдириб, эртага воқеа жойига етиб боришини маълум қилди. Воқеа тафсилотлари ўрганилмоқда.

Еще видео с места крушения. Сообщается, что погибших уже 20 человек.

Выражаем соболезнования семьям погибших! pic.twitter.com/yx3YbfLzxa

— Хуёвая Салтовка | Харьков (@h_saltovka) September 25, 2020