Украинада яна умуммиллий карантин жорий этилди

Кекса ёшдагилар кўчага соат 10:00дан 12:00гача чиқишлари мумкин.

Фото: Picture Alliance

Украина ҳукумати 16 ноябрдан умуммиллий карантинни қайта тиклади ва янги чеклов чораларини жорий этди.

Чекловлар хусусан, оммавий тадбирлар, кинотеатрлар ва жамоат транспорти фаолияти билан боғлиқ.

Эндиликда, 20 нафардан ортиқ киши иштирокида оммавий тадбирлар ўтказиш, театр ва кинотеатрлар, дискотека, овқатланиш муассасаларида ташриф буюрувчилар сони умумий сиғимнинг 50 фоизидан ортиши, ресторан ва қаҳвахоналарнинг соат 22:00дан 7:00гача ишлаши тақиқланади.

Жамоат транспортида йўловчилар сони ўриндиқлар сонидан ортиб кетмаслиги лозим.

Кекса ёшдагилар кўчага соат 10:00дан 12:00гача чиқишлари мумкин.

Ўтган якшанбадан бошлаб дам олиш кунлари карантини амал қилишни бошлади.

Унга кўра, кўнгилочар-савдо марказлари, спорт заллари, фитнес-марказлар, бассейнлар ҳамда театрлар дам олиш кунлари ишламайди.

Озиқ-овқат дўконлари, дорихоналар, ёнилғи қуйиш шохобчалари, гигиена воситалари билан савдо қилувчи дўконлар, молия муассасалари ва таом етказиб бериш хизматлари одатдаги тартибда ишлашда давом этади.

Тайёрлаган Дилшод Аскаров

#Украина #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.