Қўшимча функционаллар
-
Тунги кўриниш
АҚШ Суданни террорчиликка ҳомийлик қилувчи давлатлар рўйхатидан чиқарди
Фото: Reuters
АҚШ давлат котиби Майк Помпео Суданни террорчиликка ҳомийлик қилувчи давлатлар рўйхатидан чиқарувчи ҳужжатни имзолади. Аввалроқ Судан террорчилик ҳужумлари қурбонлари бўлган америкаликлар ва уларнинг оилаларига 335 млн доллар компенсация тўлаб берганди.
АҚШнинг Судан пойтахти Хартумдаги элчихонасида маълум қилинишича, ҳужжат 14 декабрдан кучга кирган.
Судан халқаро террорчи ташкилотлар билан алоқалари учун 1993 йилдан АҚШнинг террорчиликка ҳомийлик қилувчи давлатлар рўйхатида бўлган. Шунингдек, Вашингтон Суданни 1998 йилда АҚШнинг Кения ва Танзаниядаги элчихоналарида портлашлар ташкиллаштиришда “Ал-Қоида”га ёрдам беришда айблаган. Бу ҳужумлар оқибатида 20дан кўпроқ одам ҳалок бўлган.
АҚШнинг террорчиликка ҳомийлик қилувчи давлатлар рўйхатига Эрон, Сурия ва Шимолий Корея ҳам киритилган.
Аввалроқ АҚШ президенти Доналд Трамп терактлар қурбонлари оилаларига 335 миллион доллар компенсация тўланганидан сўнг Суданни юқорида тилга олинган рўйхатдан чиқаришга ваъда берганди.
Мавзуга оид
01:12
АҚШ давлат котиби Россия президентини ҳарбий жиноятчи деб аташдан бош тортди
00:45
«АҚШ билан савдо низоларини тезроқ ҳал қилишимиз керак» — G7 йиғилишидаги сўнгги маълумотлар
23:19 / 21.05.2025
Тошкентда Мексика ва Европа орқали АҚШга юборишни ваъда қилганлар ушланди
21:58 / 21.05.2025