Қозоғистон Pfizer вакцинасини сотиб олади

Республика ҳукумати яқин вақт ичида Pfizer компанияси вакцинасини рўйхатдан ўтказиш ва ундан фойдаланишга рухсат бермоқчи.

Фото: Getty Images

Қозоғистон Pfizer компанияси билан коронавирусга қарши вакцина сотиб олиш бўйича шартнома имзолади. Бу ҳақда мамлакат соғлиқни сақлаш вазири ўринбосари Марат Шоранов маълум қилди.

Унинг сўзларига кўра, республика ҳукумати яқин вақт ичида компания вакцинасини рўйхатдан ўтказиш ва ундан фойдаланишга рухсат бермоқчи. Вакцина етказилиши муддати компаниянинг ишлаб чиқариш қувватига боғлиқ.

Шорановнинг қайд этишича, АҚШ вакцинасини ташиш ва сақлаш талаблари қатъий бўлиб, бундан ташқари, унинг нархи Россияда ишлаб чиқарилган вакцинаникидан икки бараварга қиммат. Сотиб олинадиган вакцина миқдори маълум қилинмаяпти.

Аввалроқ Қозоғистонда Россия билан ҳамкорликда вакцина ишлаб чиқарувчи завод ишга тушиши ҳақида хабар берилганди.

Ўтган ҳафтада Қозоғистонда кўнгиллиларни коронавирусга қарши маҳаллий QazCovid-in вакцинаси билан эмлаш бошланди.

Тайёрлаган Дилшод Аскаров

#Қозоғистон #Pfizer

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.