ЙҲХББ йўл ҳаракати қатнашчиларини музламалар тўғрисида огоҳлантирди

Республика ҳудудида об-ҳаво шароити ўзгариб, қор ёғганлиги айни вақтларда музламаларни юзага келтирмоқда, деб хабар беради ИИВ Йўл ҳаракати хавфсизлиги бош бошқармаси.

Шу сабабли, ҳайдовчилардан:

• қоидаларга амал қилиб, оралиқ масофани сақлаган ҳолда ҳаракатланиш;
• газ ва тормоз тепкисини кескин босмаслик; 
• пиёдаларга эътиборли бўлиш, пиёдалардан эса йўлни белгиланмаган жойдан кесиб ўтмаслик, эҳтиёткор бўлиш сўралган.

"Ўзгидромет" хабарига кўра, бугун кундузи Ўзбекистон бўйича ёғингарчиликсиз, совуқ об-ҳаво бўлиши кутилмоқда. Республикада баъзи жойларга туман тушиши мумкин. Шарқий йўналишдаги шамол 7-12 м/с тезликда эсади. Ҳаво ҳарорати 2-7 даража совуқ бўлади.