Кун сўрови: Пора олган ҳам, берган ҳам жазоланади. Бунга муносабатингиз?

Ўзбекистон қонунчилигида пора олганлик ва пора берганлик учун деярли бир хил жавобгарлик белгиланган. Бу масала вақти-вақти билан жамоатчилик муҳокамаларига сабаб бўлиб туради.

«Кун сўрови» рукнининг навбатдаги сони фуқароларнинг шу масаладаги фикрини ўрганишга бағишланди.

Тошкентда ўтказилган кичик сўров иштирокчиларининг аксарияти иккала томон ҳам жазоланишини маъқуллашини билдирди. Респондентларнинг айримлари пора берганнинг жазоланиши нотўғри ва одам мажбурликдан пора бериши мумкин, деб ҳисоблайди.

Баъзи иштирокчилар эса иккала тараф учун ҳам жазо чораларини кучайтиришни таклиф қилди. Сўралганларнинг баъзилари пора олиш ва бериш гуноҳ эканига эътибор қаратди.