Қўшимча функционаллар
-
Тунги кўриниш
2020 йил хорижий валютада ажратилган кредитлар камайди
Ўтган йили хорижий валютадаги кредитлар ҳисобига импортни молиялаштириш улуши 25 фоиздан 18 фоизга пасайди. Конвертация ҳажми эса ошган.
2020 йилда импортни молиялаштириш манбалари таркибида хорижий валютадаги кредитлар улуши пасайиб, ички валюта бозорида сотиб олинган маблағлар (конвертация) улуши ошди. Бу ҳақда Марказий банк ахборот хизмати хабар бермоқда.
Таъкидланишича, 2020 йилда импортни молиялаштириш манбалари таркибида хорижий валютадаги кредитлар ҳисобига импортни молиялаштириш улуши 25 фоиздан 18 фоизга пасайиши кузатилиб, ички валюта бозорида сотиб олинган маблағлар улуши 52 фоиздан 58 фоизга ошди.
Шунингдек, ушбу даврда Марказий банкнинг валюта бозорига аралашуви (интервенциялари) олтин-валюта захираларини барқарор сақлаш (нейтраллик принципи)га асосланган ҳолда амалга оширилгани хабар қилинмоқда. Бунда Марказий банк томонидан сотилган чет эл валютасининг соф ҳажми йил давомида сотиб олинган олтин ҳажми доирасида бўлиши таъминланди.
Хусусан, ҳисобот йилида Марказий банк томонидан сотиб олинган 56 триллион сўмлик монетар олтин натижасида юзага келган қўшимча ликвидлиликни стерилизация қилиш мақсадида 53 триллион сўм эквивалентидаги валюта маблағлари валюта биржасида сотилган.
Бош регулятор учун 2021 йилда ҳам валюта сиёсатини эркинлаштириш жараёнини давом эттириш муҳим ҳисобланади. Шу йили валюта кредитлари улушини ҳозирги 50 фоиздан 45 фоизга, яъни камида 2 миллиард долларга пасайтириш лозимлиги таъкидланган.
Мавзуга оид
19:26 / 26.05.2025
Андижонда танишлари орқали 100 минг доллар кредит олиб беришни ваъда қилган шахс ушланди
18:22 / 28.04.2025
Fitch агентлиги Тошкентнинг кредит рейтингини қайта тиклади
19:43 / 18.04.2025
Кичик ва ўрта бизнесни ривожлантириш учун Германия тараққиёт банкидан 23,5 млн евро кредит олинади
15:24 / 09.03.2025