Кенияда коронавируснинг ўндан ортиқ янги тури аниқланди

Қайд этилишича, коронавируснинг тўртта янги штамми тажовузкорлиги билан ажралиб туради. Кениялик олимлар мамлакатда коронавирус тарқалиши кескин авж олиши мумкинлигини тахмин қилмоқда.

Фото: East African

Кениядаги тиббий тадқиқотлар институти мутахассислари коронавируснинг 16та штаммини аниқлашди. Уларнинг 12таси ўзига хос хусусиятларга эга бўлиб, ҳозирча дунёнинг бошқа жойларида учрамаган, деб ёзмоқда East African газетаси.

"Янги штаммларнинг ўзига хослиги шундаки, улар жуда тез тарқалади ва касалликнинг дастлабки босқичида беморда уларни аниқлаш жуда қийин", – деди тадқиқот иштирокчиларидан бири Чарлз Аготи.

Унинг сўзларига кўра, янги штаммлар ўтган йил охирида Таита округида аниқланган. Улар коронавируснинг ЖАР ва Буюк Британияда аниқланган турларидан генетик жиҳатдан фарқ қилади.

"Мутацияга учраган вируслар Таитада касалланиш ҳолатлари ўсишига сабаб бўлган", – деди олим.

Тайёрлаган Дилшод Аскаров

#Кения #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.