Байден Трампнинг импичменти бўйича ишни чўзмасликка чақирди

Хабар қилинишича, Байден Трампга нисбатан импичмент эълон қилинишидан ҳеч қачон хурсанд бўлмаган.

Фото: Reuters

АҚШ президенти Жо Байден сенатдаги кўпчиликни Доналд Трампнинг импичменти бўйича суд эшитувлари жараёнини чўзмасликка чақирди. Бу ҳақда The Hill нашри хабар бермоқда.

"Президент Байденнинг собиқ президент Трамнинг бўлажак импичмент жараёнига нисбатан сенатдаги демократик партия етакчиларига мурожаати аниқ: жараён қисқа бўлсин, кун тартиби бузилишига йўл қўймаслик керак", - деб ёзади нашр.

Хабар қилинишича, Байден Трампга нисбатан импичмент эълон қилинишидан ҳеч қачон хурсанд бўлмаган. У сенатдаги суд эшитувлари янги маъмуриятга мансабдор шахсларни тайинлаш жараёнига халақит беришини доим англаб келган.

Вакиллар палатаси Трампга импичмент эълон қилишга 13 январда овоз берган. Трамп 6 январда ўз тарафдорларининг Капитолийга бостириб киришига олиб келган ғалаёнга ундашда айбланмоқда.

Агар суд кўринишида ўтадиган сенатдаги жараён Трампга импичментни маъқулласа, унда собиқ президент янги муддатга президентликка номзодини қўйиш ва давлат лавозимларини эгаллаш имкониятидан маҳрум бўлади.