Хитойда коронавирусга қарши иккинчи вакцинадан фойдаланишга рухсат берилди

Хитойда аҳолининг барча ёшдаги гуруҳларини Sinovac компаниясининг коронавирусга қарши вакцинаси билан эмлашга рухсат берилди. Бу ҳақда хориж нашрлари хабар бермоқда.

CoronaVac вакцинаси хорижда ўтказилган сўнгги клиник тадқиқотлар натижаларига асосланган ҳолда маъқулланган. Қайд этилишича, таҳлил якунлари бўйича охирги маълумотлар ҳозирча олинмаган.

Аввалроқ Хитойда вакцинадан юқори хатар гуруҳидаги аҳолини эмлаш дастури доирасида фойдаланилганди.

Бундан ташқари, Хитойда ўтган йилнинг декабридан буён Sinopharm компанияси вакцинаси қўллаб келинмоқда. Sinovac мамлакатда фойдаланишга рухсат берилган иккинчи вакцина бўлди.

Шунингдек, Индонезия, Туркия, Бразилия, Чили, Колумбия, Уругвай ва Лаосда ушбу вакцинадан шошилинч ҳолатларда фойдаланишга рухсат берилган.