Хоразмда суд биносининг томи шамолдан қулаб тушди
Хоразм вилоятида 13 март куни тонгда эсган кучли шамол жиноят ишлари бўйича Хонқа туман суди биносининг том қисмига зарар етказди.
Вилоят Фавқулодда вазиятлар бошқармаси хабарига кўра, воқеа натижасида ҳеч ким тан жароҳати олмаган.
«Ҳозирда ҳодиса оқибатлари туман Фавқулодда вазиятлар бўлими ва мутасадди ташкилотлар томонидан бартараф қилинмоқда», – дейилади хабарда.
12 мартдан 13 мартга ўтар кечасидан бошлаб, Ўзбекистоннинг турли ҳудудларида кучли шамол эсиб, қор ёғиши кузатилди. Натижада электр тармоқларида узилишлар кузатилмоқда.
«Ҳудудий электр тармоқлари» компанияси 13 март куни тушдан сўнг берган хабарга кўра, электр таъминотидаги узилишлар Қорақалпоғистон Республикаси, Хоразм, Навоий ва Самарқанд вилоятларининг айрим туманларида рўй берган.
Қор ёғиши сабаб Самарқанд ва Қашқадарё вилоятларини боғловчи Тахтиқорача довони вақтинча ёпилди.
Январь ойида Наманган вилоятининг Мингбулоқ туманидаги иккита бинонинг томи шамолда учиб тушган, бу томлар охирги 2 йил ичида ёпилгани маълум бўлганди.
Мавзуга оид
16:06 / 08.08.2024
Хоразм вилоятининг икки туманига янги ҳокимлар тайинланди
08:26 / 10.07.2024
Хоразмда пул эвазига ўқишга киритиб қўйишни ваъда қилган шахс ушланди
08:38 / 03.07.2024
Хоразмда дарахт кўчатларини парвариш қилмаган мансабдорларга 91 млн сўм жарима қўлланди
15:26 / 15.06.2024