Наманганда гўзаллик салонларидаги ноқонуний ишларга чек қўйилади

Учрашув давомида соҳадаги бир нечта камчиликлар атрофлича муҳокама қилинди. Жумладан, вилоят ҳокими Давлатобод туманида фаолият олиб бораётган профилактика инспекторларига тумандаги аёллар гўзаллик салонларини қайта инвентаризациядан ўтказиш вазифасини юклади. 

"Менда етарлича маълумотлар бор, гўзаллик салонларида ноқонуний ишлар жудаям кўпайиб кетган, бу ерда айтиб ҳам бўлмайди. Майли, у тадбиркор, ишласин, лекин кечаси ишлаб нима қилади? Белгиланган вақти, тартиб-қоидаси бор", –  деди ҳоким.

Мулоқот давомида вилоят ИИБ бошлиғи Одил Отахўжаев тизимдаги ходимларнинг уқувсизлигини танқид остига олди.

"Тизимда ишлаётганларнинг 50 фоизга яқини уқувсиз, ишга нолойиқ. Асосий қисмини олий маълумотли ўқитувчилар ташкил қилади, 30 нафар одамга дарс ўта олган, битта маҳалланинг ишини эплолмайдими, бунинг учун академияни тамомлаган бўлиши шартмас. Фақат виждонан ишлаш керак”, – дейди Одил Отахўжаев.

Ушбу учрашув давомида Наманганда жиноятчиликка мойиллиги бор ёшлар ўртасида ташкил этиладиган мини футбол совринига ҳоким ҳомийлик қилишини ҳам айтиб ўтганди.