Суд Бельгия ҳукуматига карантинни бекор қилиш талабини қўйди
Брюсселдаги биринчи инстанция суди давлатга пандемияга қарши кураш доирасида киритган чекловларни 30 кун ичида бекор қилиш мажбуриятини қўйди. Суднинг қарор қилишича, ҳукуматда бундай чораларни киритиш учун “ҳуқуқий асос бўлмаган”.
LeSoir нашрининг хабар беришича, агар ҳукумат суд қарорини белгиланган муддатда бажармаса, унда унга кунига 5 минг евродан жарима солинади. Бироқ жариманинг умумий қиймати 200 минг евродан ошиши мумкин эмас.
Бундан 3 ҳафтача олдин Инсон ҳуқуқлари лигаси белгияликлар номидан ҳукуматнинг “фуқароларнинг асосий эркинликларини чекловчи” коронавирусга қарши чораларига қарши шикоят аризаси берган.
Суднинг ҳукмига кўра, ҳукуматда ресторанлар, маданий ва спорт объектларини ёпиш, ҳаракатланишни чеклаш ва мактабларда машғулотларни бекор қилиш каби чекловларни киритиш учун етарлича ҳуқуқий асос бўлмаган.
Суднинг таъкидлашича, ҳукумат бунда таянаётган 2007 йилги қонунда бундай чоралар кўзда тутилмаган.
Мавзуга оид
19:55 / 19.09.2024
«Судя мустақиллигини таъминлаш учун ўз устида ишлаши керак» — Судялар олий кенгаши
16:25 / 19.09.2024
«Судга ижтимоий босимнинг олдини олиш учун жараён ёпиқ ўтказиляпти» – Судялар олий кенгаши Азиз Воитов иши ҳақида
19:51 / 12.09.2024
Мерей Омонбоеванинг иши судга чиқди
15:31 / 12.09.2024