Эронда Исроил фойдасига жосуслик қилишда гумонланган шахс қўлга олинди

Шунингдек, хориж разведка хизматлари билан ҳамкорлик қилган яна бир неча киши ушлангани хабар қилинмоқда.

Эронда Исроил махсус хизматлари билан ҳамкорлик қилишда гумонланган шахс қўлга олинди. Бу ҳақда мамлакат ахборот вазирлигига (разведкаси) таяниб IRIB телеканали хабар берди.

Қайд этилишича, гумонланувчи Эрон шимоли-ғарбидаги Шарқий Озарбойжон вилоятида қўлга олинган. Шунингдек, хориж разведка хизматлари билан ҳамкорлик қилган яна бир неча киши ушлангани хабар қилинмоқда.

Эрон ҳукумати Исроилни бир неча бор мамлакатда разведка фаолияти олиб боришга уринишда айблаганди.

21 март куни Эрон олий раҳнамоси Али Хоминаий АҚШ ва Исроил разведка хизматлари Эронда 18 июнда ўтказилиши режалаштирилган президент сайловлари жараёнига аралашишга уринаётганини айтганди.