Қўшимча функционаллар
-
Тунги кўриниш
Шавкат Мирзиёев шаҳзода Филипп вафоти муносабати билан ҳамдардлик билдирди
Ўзбекистон президенти Шавкат Мирзиёев Буюк Британия ва Шимолий Ирландия Бирлашган Қироллиги қироличаси Елизавета II Ҳазрати Олияларига Эдинбург герцоги, шаҳзода Филипп вафоти муносабати билан ҳамдардлик билдирди.
PA MEDIA
«Ҳазрати Олиялари! Турмуш ўртоғингиз - Эдинбург герцоги, шаҳзода Филипп Ҳазрати Олийлари вафот этгани муносабати билан Сизга самимий таъзия ва ҳамдардлик изҳор этаман.
Буюк Британия халқи учун мусибатли бўлган ушбу дамларда Сиз учраган жудоликка қайғудошман.
Шундай оғир бир паллада Сиз, Ҳазрати Олияларига ва қироллик оиласининг барча аъзоларига сабр-тоқат ва бардамлик тилайман», дейилади Ўзбекистон президенти матбуот хизмати томонидан келтирилган таъзия матнида.
Шаҳзода Филипп соғлиғи ёмонлашгани туфайли Букингем саройининг расмий тадбирларида 2017 йилдан буён иштирок этмай келаётганди. У 2021 йилнинг февралида шифохонага ётқизилган, у ерда бир ой даволанган ва юрагини операция қилдирганди. 9 апрел куни Букингем саройи Эдинбург герцоги вафот этганини маълум қилди.
Мавзуга оид
21:46 / 23.11.2024
Чарлз III нинг тож кийиши британияликларга 90 млн долларга тушгани маълум бўлди
10:59 / 07.11.2024
Қиролича Елизавета II ва шаҳзода Филиппнинг тўйидаги торт бўлаги кимошди савдосида сотилди
21:51 / 13.09.2024
Британияда Елизавета II нинг янги ҳайкали пайдо бўлди. У кўплаб баҳсларга сабаб бўлмоқда
12:27 / 09.11.2023