Лукашенко коронавирусга қарши эмланмоқчи эмаслигини айтди

Лукашенко матбуот хизматининг маълумот беришича, яқинда олинган таҳлиллар унинг қонида етарли миқдорда антитаналар мавжудлигини кўрсатган.

Фото: president.gov.by

Беларусь президенти Александр Лукашенко касал бўлиб тузалганидан кейин етарлича миқдордаги антитанага эгалиги сабабли коронавирусга қарши эмланмоқчи эмаслигини айтди.

Қайд этилишича, Беларусь раҳбари илгари гриппга қарши ҳам эмлатма олмаган.

Лукашенко Беларусдаги коронавирус билан боғлиқ вазият назорат остида эканини айтди. Унинг сўзларига кўра, мамлакатда касаллик юқтириш ҳолатлари бир ярим бараварга ўсиши кутилганди, аммо бу тахмин нотўғри бўлиб чиқди.

Беларусь президентининг фикрича, касаллик юқтирганлар сонининг аввалги даражада ушлаб турилиши республикада етарлича миқдорда вакцина ишлаб чиқариш имкониятини берган.