АҚШ Туркияни F-35 қирувчи самолёти ишлаб чиқариш дастуридан четлатди

Маълумот берилишича, бу Анқаранинг Россия ишлаб чиқарган С-400 зенит-ракета мажмуаларини сотиб олганлиги билан боғлиқ.

АҚШ Туркияни F-35 қирувчи самолёти ишлаб чиқаришдан четлатилгани ҳақида расман хабардор қилди, деб маълум қилди Anadolu агентлиги Пентагондаги манбасига таяниб.

Агентликнинг маълумот беришича, бу Анқаранинг Россия ишлаб чиқарган С-400 зенит-ракета мажмуаларини сотиб олганлиги билан боғлиқ.

Манбанинг айтишича, 2006 йилда тузилган меморандумда саккиз мамлакат — АҚШ, Буюк Британия, Италия, Австралия, Дания, Канада, Норвегия ва Нидерландия қолган.

24 март куни Туркия ташқи ишлар вазири Мавлут Човушўғли АҚШ давлат котиби Энтони Блинкен билан музокаралардан сўнг Анқара Россиядан сотиб олинган С-400 мажмуаларидан воз кечмаслигини айтганди.

Анқарага С-400 мажмуаларини етказиб бериш 2019 йил июнда бошланганди. Бу Туркия ва АҚШ ўртасида келишмовчиликка сабаб бўлди.