Россия АҚШ ва Чехияни «нодўст давлатлар» деб эълон қилди

Фото: Miroslav Chaloupka/CTK/Global Look Press

Россия ҳукумати нодўстона давлатлар рўйхатини тасдиқлади. Унга бор-йўғи икки давлат – АҚШ ва Чехия киритилди.

«Россия Федерацияси, фуқаролари ва юридик шахсларига нисбатан нодўстона хатти-ҳаракатлар содир этувчи хорижий давлатлар рўйхати тасдиқлансин», деб айтилган қарорда.

Ушбу давлатларга нисбатан Россия президенти Владимир Путиннинг 23 апрелдаги фармонига мувофиқ чоралар кўрилади. Ҳужжатга кўра, Чехия Россиядаги элчихонасига кўпи билан 19 нафар россиялик ишчи ёллай олади, АҚШ элчихонасига эса россияликларни ёллашга рухсат берилмайди.