Афғонистонда автобус портлаши оқибатида бир неча киши ҳалок бўлди

Автобус Ал Беруний университетидан маърузачиларни олиб кетаётган бўлган.

Фото: TOLOnews

Афғонистоннинг Баграм шаҳрида автобус портлаши оқибатида камида уч киши ҳалок бўлди ва 13 киши жароҳатланди. Бу ҳақда Tolo news телеканали хабар берди.

Хабарда айтилишича, автобус Ал Беруний университетидан маърузачиларни олиб кетаётган бўлган.

Портлаш учун жавобгарликни ҳозирча ҳеч бир гуруҳ ўз зиммасига олмаган.

Ўтган ҳафтада Ғилминд вилоятида содир бўлган портлаш тўққиз кишининг ҳаётига зомин бўлганди.