Қатар ташқи ишлар вазири Ўзбекистонга ташриф буюради

Бу – Қатар давлати ташқи сиёсат идораси раҳбарининг Ўзбекистонга амалга ошираётган илк ташрифи ҳисобланади.

9 июн куни Ўзбекистонга Қатар бош вазири ўринбосари, ташқи ишлар вазири шайх Муҳаммад бин Абдулраҳмон Ол Соний бошчилигидаги делегация ташриф буюради. Бу ҳақда Ўзбекистон Ташқи ишлар вазирлиги хабар берди.

Қайд этилишича, бу – Қатар давлати ташқи сиёсат идораси раҳбарининг Ўзбекистонга амалга ошираётган илк ташрифи ҳисобланади.

Ташқи ишлар вазирлигида бўлиб ўтадиган учрашувда Ўзбекистон ва Қатар ўртасида сиёсий, савдо-иқтисодий, инвестициявий, маданий-гуманитар, транспорт-коммуникация, хусусан, давлатлараро ҳаво қатновларини йўлга қўйиш масаласи алоҳида муҳокама қилиниши режалаштирилган.