Қўшимча функционаллар
-
Тунги кўриниш
Самарқандда автобус ва яна иккита машина иштирокида ЙТҲ содир бўлди
Самарқанд вилояти Самарқанд туманида автобус ҳамда иккита машина иштирокида йўл-транспорт ҳодисаси содир бўлган. Бу ҳақда вилоят ИИБ ЙҲХБ хабар бермоқда.
Маълум қилинишича, 10 июнь куни соат 19:00лар атрофида М-37 Самарқанд-Бухоро-Туркманбоши халқаро автомобиль йўлининг Самарқанд тумани ҳудудидан ўтувчи 3-километрида Labo, Lacetti ҳамда автобус иштирокида йўл-транспорт ҳодисаси содир бўлган.
Ҳодиса оқибатида Labo кичик юк машинаси ағдарилиб кетган ва унинг ҳайдовчиси енгил тан жароҳатлари олган. Унга тиббиёт бирлашмасида тиббий ёрдам кўрсатилиб, уйига жавоб берилган. Йўл-транспорт ҳодисасининг бошқа иштирокчиларига жароҳат етмаган. Таъкидланишича, автобусда йўловчилар бўлмаган.
Қайд этилишича, ҳозирда мазкур ҳодиса юзасидан Самарқанд тумани ИИБ ЙҲХБ ходимлари томонидан суриштирув ҳаракатлари олиб борилмоқда.
Мавзуга оид
01:49 / 27.05.2025
Наманганда дарахтга урилган Nexia-3 ёниб кетди. Ҳайдовчи ҳалок бўлди
20:21 / 24.05.2025
«Сўнгги қўнғироқ» тадбирларида автомобил бошқарган ўқувчилар аниқланди
10:27 / 22.05.2025
Тошкентда ЙТҲнинг олдини олиш учун 2 млрд сўм ажратилади
18:17 / 19.05.2025