Германияда ҳакерлар ҳужумидан сўнг фавқулодда вазият эълон қилинди

Маълумот берилишича, бир неча кун аввал округнинг компьютер тизими киберҳужумга учраган. Натижада маъмурият фаолияти икки ҳафтага тўхтаган.

Германиянинг Анҳалт-Битерфелд округида ҳакерлар ҳужуми сабабли фавқулодда вазият эълон қилинди. Бу Германия тарихидаги илк ана шундай воқеа ҳисобланади, деб ёзмоқда Die Zeit газетаси.

Маълумот берилишича, бир неча кун аввал округнинг компьютер тизими киберҳужумга учраган. Натижада маъмурият фаолияти икки ҳафтага тўхтаган. Бу давр мобайнида ижтимоий ва бошқа тўловларни тўлашнинг имкони бўлмайди.

Маъмурият вакилининг сўзларига кўра, фавқулодда вазият режими «тезкор чора кўриш» мақсадида қабул қилинган.

Германия ахборот хавфсизлиги федерал бошқармаси мазкур ҳолатни ўрганишга киришди.