Куба ҳукумати намойишчилар талабини қондирди
Куба ҳукумати мамлакатда ўтган кенг кўламли норозилик намойишлари ва тартибсизликлардан кейин хориждан озиқ-овқат ва дори-дармонни божсиз олиб киришга вақтинча рухсат берди.
Таъкидланишича, янги тартиб 19 июлдан амал қила бошлайди ва йил охиригача давом этади.
Куба бош вазири Марреро Крус маҳсулотларни божсиз олиб кириш кўплаб сайёҳлар талаби бўлганини айтиб ўтган. Ҳукумат бу борадаги вазиятни 31 декабрдан кейин яна кўриб чиқади.
Кубада 11 июлда озиқ-овқат ва дори-дармон тақчиллиги, нарх-наво ошиши ва ҳукуматнинг коронавирусга қарши чораларига қарши кўп минг кишилик норозилик намойишлари бўлиб ўтди. Намойишчилар Кубага келаётганларга озиқ-овқат маҳсулотлари ва дори-дармонларни бож тўловисиз олиб киришга рухсат беришни талаб қилишган.
Маълумотларга кўра, ушбу намойишлар Озодлик оролида 1990-йиллардан бери ўтган энг оммавий намойишлар бўлди.
Мавзуга оид
18:40 / 08.08.2024
Олимпиадада аср воқеаси: Кубалик гигант ҳеч ким қилолмаган ишни уддалади
22:44 / 17.06.2024
Россия ҳарбий-денгиз кучларининг кемалари Кубани тарк этишни бошлади
08:32 / 14.06.2024
Россия флоти кемалари ортидан АҚШ сувости кемаси ҳам Куба қирғоқларига яқинлашди
11:42 / 13.06.2024