Антирекорд: Россияда бир суткада қарийб 800 киши коронавирусдан вафот этди

Мамлакат бўйича касаллик юқтирганлар сони 5 млн 907 минг 999 нафарга етган.

Фото: Reuters

Россияда коронавирусдан вафот этиш бўйича суткалик кўрсаткич борасида навбатдаги антирекорд қайд этилди. ТАССнинг хабар қилишича, ўтган суткада 799 киши вафот этган.

Бундан бир кун аввал вафот этганлар сони 731 нафарни ташкил этганди.

Сутка давомида 25 704 нафар кишида коронавирус аниқланган.

Мамлакат бўйича касаллик юқтирганлар сони 5 млн 907 минг 999 нафарга етган.

Москва шаҳрида сутка давомида 5 382 кишида касаллик аниқланган, 105 бемор вафот этган.

Тайёрлаган Дилшод Аскаров

#Россия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.