Қўшимча функционаллар
-
Тунги кўриниш
Байден АҚШ қўшинлари Ироқдан олиб чиқилиши ҳақида эълон қилади – ОАВ
Вашингтон ва Бағдод Америка ҳарбийлари контингентини қисқартириш бўйича апрелдаёқ келишиб олган, аммо ўшанда қўшинларни олиб чиқиб кетиш графиги тасдиқланмаган.
АҚШ президенти Жо Байден ва Ироқ бош вазири Мустафо ал Козимий мамлакатдан 2021 йил охиригача Америка қўшинлари олиб чиқиб кетилиши тўғрисида келишиб олди, деб хабар берди AP агентлиги. Маълумот берилишича, бу ҳақда 26 июл куни эълон қилинади.
Агентликнинг ёзишича, Ироқдаги америкалик ҳарбийлар эндиликда фақат ўқитиш ва маслаҳат бериш билан шуғулланади, жанговар ҳаракатларда қатнашмайди.
Хабарда айтилишича, Вашингтон ва Бағдод Америка ҳарбийлари контингентини қисқартириш бўйича апрелдаёқ келишиб олган, аммо ўшанда қўшинларни олиб чиқиб кетиш графиги тасдиқланмаган.
Эслатиб ўтамиз, АҚШ 2011 йилда Ироқдан қўшинларини олиб чиқиб кетган, аммо 2014 йилда ИШИД Мосулга ҳужум қилганидан сўнг ҳарбийларини қайтарганди.
Мавзуга оид
08:51 / 04.06.2026
Кувайт аэропортида Эроннинг дрон зарбаси оқибатида 1 киши вафот эди, ўнлаб инсонлар жароҳатланди
11:00 / 28.05.2025
АҚШ дунё бўйлаб хорижий талабалар учун виза суҳбатларини тўхтатмоқда
09:03 / 28.05.2025
WSJ: Трамп Россияга қарши санкцияларни кучайтириш ҳақида ўйлаяпти
22:46 / 27.05.2025