Трюдо Байденга баҳсни ютқазиб қўйди

Жо Байден ва Жастин Трюдо / Фото: Reuters

Канада бош вазири Жастин Трюдо АҚШ президенти Жо Байденга баҳсда ютқазиб қўйди ва унга дудланган гўшт совға қилди. Бу ҳақда Оқ уй матбуот хизмати маълум қилди.

Июнда Байден ва Трюдо кимнинг давлати хоккей клуби Стэнли кубоги финалида ғалаба қозонишига баҳс бойлашган.

Кубок финалида АҚШнинг “Тампа-Бэй Лайтнинг” клуби Канаданинг “Монреаль Канадиенс” клубини мағлуб этган. Шундан кейин Трюдо Байденга табрик сифатида дудланган гўшт жўнатган.

2 августда АҚШ ва Канада етакчилари ўртасида ўтган телефон суҳбатида Байден Трюдога гўшт учун миннатдорлик билдирган.

#Жо Байден #Жастин Трюдо