АҚШ Афғонистонга бомбардимончи самолётларини жўнатди – ОАВ

АҚШ «Толибон» жангариларига қарши курашиш учун Афғонистонга B-52 Stratofortress бомбардимончи самолётларини жўнатди. Бу ҳақда ўз манбаларига таяниб The Times газетаси хабар берди.

Нашр маълумотига кўра, бомбардимончи самолётлар Афғонистонга АҚШнинг Қатардаги ал-Удайд авиабазасидан йўл олган. Самолётлар сони маълум қилинмаяпти.

Хабар қилинишича, бомбардимончи самолётлар Қандаҳор, Ҳирот, Лашкаргоҳ ҳамда Ҳилманддаги нишонларга зарба берган.

АҚШ шунингдек, AC-130 Spectre самолётлари ва MQ-9 Reaper жанговар дронларидан ҳам фойдаланган, деб ёзади The Times.

Аввалроқ Жузжон вилояти толиблар назоратига ўтгани хабар қилинганди.