Эронда 6 кунлик локдаун киритилади

Фото: Getty Images

Эронда коронавирус юқтириш ҳолатлари кўпайгани сабабли 16 августдан бутун мамлакат бўйлаб 6 кунлик локдаун киритилади.

Бундай қарорни коронавирус бўйича ишчи гуруҳ қабул қилган.

Шунингдек, 15 августдан 27 августгача озиқ-овқат ва биринчи эҳтиёж товарларини ташувчи юк машиналари ва тез ёрдам машиналаридан ташқари барча транспорт ҳаракатланишига тақиқ киритилган.

Локдаун, шунингдек, барча бозорлар ва давлат муассасалари, кинотеатр, спортзал ва ресторанларни қамраб олади.

Эронда охирги суткада 30 мингга яқин янги касалланиш ҳолати қайд этилган.

Аҳолиси 83 млн кишини ташкил қилувчи Эронда айни вақтда 3,8 млн киши коронавирусга қарши тўлиқ эмланган.